Spor For lærarar
Mindre papirarbeid. Meir tid til elevane.
Spor tek materialet du alt bruker, og gjer det til timar, lekser, prøver og repetisjon. Kvart svar fører tilbake til sida det kom frå, og du ser kva klassen treng neste gong.
1 Arbeidsflyten
Frå tema til neste time, utan å byte verktøy
Finn og planlegg
Skriv eit tema. Spor viser kompetansemåla for trinnet ditt, ope fagstoff frå NDLA og Store norske leksikon, og ditt eige materiale. Legg det rett inn i timen med eitt klikk.
- Alle 441 læreplanane i LK20, oppdaterte frå Udir
- Søk rett ved sida av timen du planlegg
- KI føreslår mål i blyant, du legg dei til
Ditt eige materiale, delt i avsnitt
Last opp PDF, Word, PowerPoint eller bilete av ark. Spor les fila og deler henne i avsnitt med side eller lysbilete. Når ein elev svarar, veit du kva avsnitt svaret byggjer på.
- Skanna ark og bilete blir òg lesne
- Du oppgir rettsgrunnlaget når du lastar opp (Kopinor)
- Omgrepa i materialet blir omgrepskartet ditt
Rett éin elev om gongen
Det som kan rettast automatisk, er retta når du opnar leksa. Dei lange svara kjem i ein kø, med forslag til poeng, grunngiving og kjelde i blyant. Du godtek, endrar eller seier «ueinig med KI».
- Godkjenn mange sikre forslag på ein gong, og angre
- Varsel om svar som liknar mykje, og om innlimt tekst
- Frigi resultata når du er klar, ikkje før
Sjå kva klassen treng
Klassekartet viser omgrep for omgrep kor mange som er usikre, på veg eller trygge, og kva tre omgrep som bør undervisast igjen. Aldri namn, aldri farge åleine.
2 KI i blyant
Blyant til du seier ja. Blekk etterpå.
Alt KI føreslår i Spor, står med stipla blyantstrek og namnet på kven som laga forslaget. Først når du godtek, blir det blekk og tel.
3 Prøver
Prøver som toler ein vanleg skuledag
Nettet fell ut, ein elev treng meir tid, ein annan går ut av vindauget. Spor er laga for det.
Blir lagra utan nett
Svara blir lagra krypterte på maskina og sende når nettet er tilbake. Inga prøve er avhengig av nett eller KI.
Felles tidsvindauge
Prøva opnar og stengjer på klokka til tenaren, ikkje til eleven.
Ekstra tid
Gi ekstra minutt til elevane som skal ha det, rett frå prøvevakta.
Fokusmodus
Prøva køyrer i fullskjerm, og det blir notert om eleven går ut. Notatet er eit spørsmål, aldri ei skulding.
Eiga rekkjefølgje
Kvar elev får spørsmål og svaralternativ i si eiga rekkjefølgje.
Elleve spørsmålstypar
Frå fleirval og matte til klikk i bilete, fil, lydopptak og teikning.
4 Elevane
Det eleven ser
Éin ting å gjere no, eit læringskart over det dei kan, og kort som kjem tilbake akkurat når dei held på å gløyme dei.
- Opplesing, ordforslag, stavekontroll og diktering
- Bokmål, nynorsk, samisk, engelsk og arabisk
- Øv på leksa igjen med fasit etter innlevering
5 Neste år
Det du lagar i år, har du neste år
I arkivet finn du timar og lekser frå tidlegare skuleår. Kopier dei til årets klasse med eitt klikk, og byggj vidare.
6 Spørsmål
Det lærarar spør om
Må eg bruke KI?
Nei. KI føreslår berre, og alt kan gjerast utan. Skuleeigaren kan slå av alle KI-forslag på si eiga side i Spor.
Kva kostar Spor for meg?
Ingenting. Lærarar og elevar betaler aldri. Skuleeigaren kjøper Spor for skulane.
Kva med opphavsretten til materialet mitt?
Når du lastar opp, oppgir du grunnlaget: eige materiale, open lisens, Kopinor-avtalen eller avtale med forlaget. Materialet blir berre delt med klassen din.
Verkar det på nettbretta og mobilane til elevane?
Ja. Kvar skjerm blir testa på mobil, nettbrett og PC, med tastatur og skjermlesar.
Kan eg hente filer frå Teams eller Google?
Ikkje enno. I dag lastar du opp fila. Henting rett frå Microsoft 365 og Google er planlagt.
Vil du ha Spor på skulen din?
Spor blir kjøpt av skuleeigaren. Send oss namnet på skulen eller kommunen, så tek vi kontakt med dei, eller send rektor ei lenkje til denne sida.